हास्थायनो हायो नाथाय गासैखौबो मोननो हायो बे नङा

सानसेखालि मोनसे गामियाव सहरनि सासे गथ’साया गावनि बिमाजों बिमायनि नआव आलासि जानो फैदोंमोन। अखानायै फुंनि समाव बियो गामिनि सासे गथ’साजों बिसोरनि नआव गेलेनो थांदोंमोन। सहरनि गथ’साया बैहाय बिफांनि दालाइयाव गोमोन गोमोन थाइजौ फिथाइ नुदोंमोन आरो बेफोरखौ जानो लुबैदोंमोन।

सहरनि गथ’साया लोगोनाव सोंदोंमोन, “आं थाइजौ गोमोनखौ जानो लुबैदोंमोन। दे जों फिथाइफोरखौ सानैजों खानानै जानो हागोनना?”

गामिनि गथ’साया फिननाय होदोंमोन, “ओहो जों दा बेखौ जानो हानाय नङा। आफाया बेखौ जानो बादा होदों। आफाया जोंखौ जानो होगोन ना होआ बेनि थाखाय जों आफानियाव सोंग्रोनांगोन। सोङाब्ला आफाया आंखौ साजा होगोन।”

गामिनि गथ’साया बिखौ गावनि बिफानि खाथियाव लाबोदोंमोन आरो बिफानियाव सोंदोंमोन , “आफा, जों थाइजौ गोमोनखौ जानो लुबैदोंमोन। जोंखौ दिनै जानो होगोन ना होआ?”

बिफाया बुंदोंमोन, “बेखौ दानो रावबो मोनजानाय नङा। बेखौ आं गिबियाव इसोरनो होगोन, बेनि उनाव मोननाय गुबुन फिथाइफोरखौसो जानो हागोन।”

सहरनि गथ’साया बिमानि खाथियाव फैनानै गासैबो बाथ्राखौनो बिमानो फोरमायदोंमोन। बिमाया बेखौ बुंदोंमोन, “मालायनि मुवा आरो बेसादफोरखौ मोननो हास्थायनो हागौ, नाथाय मोनगोन होनना आसा खालामनो हाया। हास्थायनो हायो नाथाय गासैखौबो मोननो हायो बे नङा। अख्रा खालामनो नाङा, मोननो हास्थायनायखौ बेवहायनो फोजोब, नोंनि गोसोखौ हमथा। बेनि सोलाय आं नोंनो गाबोन गुबुन थाइजौ फिथाइ गोमोन बायनानै होगोन।”