बेरे फुंजानि मासे बाथ’थिया आरो दाउखाजों फांसे बिफांनि दालाइयाव लोगो मोनलायलायदोंमोन। गावजोंगाव मिनिलायनायनि उनाव दाउखायानो बुंग्रोनायसै, “दिनै नोंथाङा बबे अरनबारियाव थांगोन?”
बाथ’ थियाया फिननाय होदोंमोन, “गोदो गामियावनो जाबाबो जाख’लायनो हायै फिथाइ-सामथाइ मोनजायोमोन। आंखाल गैयामोन, नाथाय दानिया अरनबारियाव थांबाबो सानसेनि आदारखौनो खुनुरुखुमसो बुथुमनो हाग्रा जाबाय। अरनबारिया जोबलांबाय, अरनबारियाव फिथाइ थाइग्रा बिफांफोरा गोमालांबाय।”
दाउखाया बुंफिनबाय, “आंनि हालोदाबो बेबादिनो। गोदो गामियावनो सैमा, मावजि, दाउ, हांसो , मोसौ जोबनो गैयामोन। दुब्लियाव एनजर, सेसा, एमबु बंगोला आरो नेवलाय जोबनो थाङामोन। दा बेफोर गामिनिफ्राय सानफ्रोमबो गोमालांबाय। बेनिखायनो आंबो गावनि उदै आरो गथ’-गथायफोरनि उदैनि थाखाय नोगोर फारसे थांनांगौ जाबाय।”
बाथ’ थियाया बुंबाय, “बेबादि गोलाव बोसोर सोलिलांबाय थानांगौआ जोबोद गोब्राब जाबाय। जों जोंनि इयुन जोलैफोरखौ माबोरै गालांबावनो?”
दाउखाया बुंबाय, “बे गिनाया नोंनि आरो आंनिल’ नंलिया नोंथां, बे गिनाया बयनिबो जाबाय। बुहुमनि बयनिबो गोसोआ गिनायजोंनो आबुंसै”