साफ्रोमबो अनसुलि बिमाफोरा गावसोरनि फिसाफोरनो थार गियान, बोसोन होनो नाजायो, गले गले फिसाफोरनि गोरोन्थिखौ सुद्रायनानै होनो नाजायो ।
साफ्रोमबो अनसुलि बिमाफोरा गावसोरनि फिसाफोरनि मोदोमाव नांनाय मैलाखौ सुनानै होयो, थुखैयो, बिखुंनि मैलाखौ फुनानै होयो, मेगनखौ गोगो दैजों सुनानै होयो। मोखाङाव थाव फुननानै होयो, खानाय खाननानै होयो।
सासे बिमा जायोब्ला बेसेबां सहायनांगौ आरो सानफ्रोमबो बेसेबांदि जुजिनांगौ जायो बेखौ बिमायासो मिथिगौ। गोजां बोथोराव गोजांनाय, गोलोम बोथाराव गोलोमनाय थेवबो बेफोर गासैखौबो सहायनानै सासे अनसुलि बिमाया फिसाफोरनो संनानै खुरनानै जाहोयो ।
अनसुलि बिमाया फिसाफोरनो हाथाइ मानजिनानै होयो, गस्ला फेन जिनायखौ बिजिजों सुथेनानै होयो, खिबुआव खि नांनायखौ दैजों सुनानै होयो । लोमजानाय आरो साजानाय जेब्लाबो इसोरबादि थाफानानै फेदेरो, फोलावो, गावनि फिसाफोरखौ गोरों खालामनो नाजायो ।
नाथाय गोबां गथ’फोरानो गोरों जानायनि उनावबो गाज्रि जायो, गावनि बिमाखौ नेवसियो, बिमानि खोथा मानियै जायो, बिमाखौ दुखु होयो। बायदि रोखोमनि दाय आरो गोरोन्थि खालामनानै बिमाखौ लाजि फोनाङो। गावनि गासै दायखौनो बिमानो रुजुननानै लाहोनो नाजायो।