गासैबो बाथ्राफोरखौ फोथायनायनि सिगां एसे गोथौयै साननानै नायनांगौ । बाथ्राखौ सोर बुंदों, बबेयाव थानानै आरो बबे थासारियाव बुंदों बेखौ नोजोर हो ।
मोनसे समाव मोनसे जायगायाव मासे बोरमा मेन्दा आरो मासे गाध दंमोन। बिसोरो गावजोंगाव जोबोद लोगो आरो फोथायलायनाय दंमोन। जेखिजाया बाथ्रायानो जाथों बिसोरो गावजोंगाव फोथायलायोमोन। बिसोरो मोजाङै सानना नाया नाथाय फोथायनायखौल’ बिसोरो जोबोद गोसो होयोमोन।
सानसेखालि गाधआ दैमायाव गोजोमनानै दंमोन । बिथांनि खाथियाव फैनानै बोरमा मेन्दाया सोंनायसै, “दैया बेसेबां दं ?”
गाधआ बिथांनो फिननाय होफिनदोंमोन, “बांद्राय गोबांद्राय नङा । खालि आंनि गोदोनासेल’ ।”