सासे गेदेर अफिसारआ गावनि ओरैनो थानाय हायाव गय आबाद खालामदोंमोन। बिथाङा गावनि मावख’नि मावनांगौ खामानिया जोबोब्लानो नआव फैयोमोन आरो बागानाव थाङो। बेबादिनो फुंबिलि आरो मोनाबिलि समाव बियो बबेयाव मा जादों नायो।
बेबादिनो बिथाङा गुबुन बा बिघा हायाव फिथाइ आरो मैगं-थाइगंनि आबादबो खालामदोंमोन। बिथाङा बेफोरखौ नायनो थाखाय गाव नांगौबादि सम होनो हायैनि थाखाय नायग्रा आरो मावग्रा मानसिफोर लादोंमोन।
बिथांनि मावग्राफोरा जेब्लाबो नोजोर होबाय थादोंमोनदि बिथाङा साख्रि थाखानानैबो मानो बेबादि एसेबां खस्थ’यै आबादारिनि खामानिखौ मावनांगौ जाखो। बिथाङा आबाद मावनायखौ नागारनानै जिरायनानै थायोब्लानो जासिगौ।
सानसेखालि बिथांनि सासे मावग्रा मानसिया बुंदोंमोन, “सार, नोंथाङाथ’ सासे जोबोद गेदेर अफिसार। नोंथाङा जिंगा सिनांगौआनो नङा, नाथाय मानो आबाद मावनायाव गोसो होबावनांगौ जाखो?”
बे समाव अफिसारआ बुंदोंमोन, “मोनसेल’ आरजिनायनि सायाव माब्लाबाबो दासोनार। जेसेबां हायो गुबुन माबा मोनसे मोजां हाबा मावनानै आरजिनायखौ खालामनाया गाहाम । बेखौ साननाया गाहामदि जाहाथे बेबादि खामानिनि गेजेरजों गावनिबो मुलाम्फा जायो आरो गुबुन सुबुंफोरनि थांनानै थानायखौबो मदद खालामनो हायो।”