मोनसे जायगायाव सासे माहाजोन मानसि दंमोन। बिथांनि मुङा मोनबारु, बिथाङा जोबोद मावथि आरो सोलो गोनांमोन। बियो गावनि सोलोफोरखौ बाहायनानै थिग समावनो थिग खामानिफोरखौ मावदोंमोन आरो बेनिफ्रायनो बिथांनि आरजिनाया जादोंमोन।
बिथाङा गावनि जेंनाफोरखौ थाब थाब बोस्रांनानै लायोमोन। बेबादिनो गुबुननि जेंना आरो आंखालफोरखौबो नायनानै थानो हायामोन। बेनिखायनो बिथाङा आंखालाव गोग्लैनाय मानसिफोरखौ गावनि खाथियाव लिंहरनानै बिसोरनो दान होयोमोन।
गावनि फिसाइयादि गुबुन मानसिफोरनो गावनि आरजिनायखौ दान हरबाय थायो बेखौ बिथांनि बिसि सोमस्रिया बारा मोजां मोनामोन।
सोमस्रिया सानसेखालि फिसायखौ बुंदोंमोन, “नोंथाङा गोब्राब खस्थ’ खालामनानै आरजिनायखौ गुबुन मानसिफोरनो दान होनाया मोजां जायाखै। नोङो बिसोरखौ अनगासिनो दं, नाथाय बिसोरो नोंथांखौ माब्लाबा मदद खालामफेरदों नामा? बिसोरनो गावनि दोहोनखौ हरबाय जायोब्ला नोंथाङा सानसे गोरिब जागोन।”
मोनबारु माहाजोना बुंफिनदोंमोन, “रावबो गुबुननो होनानै गोरिब जाया। जाय अलसिया, जाय गुबुननि सायाव लामा आरो गावनि मावनांगौ खामानिखौ थिग समाव मावा बिसोरसो जिउआव गोरिब जायो।”