मोनसे दैमानि सेराव थानाय फांसे बिफां सेराव सानफ्रोमबो सासे मानसिया फुंबिलि समाव जिरायफैबाय थायोमोन। बिफां सेरजोंनो गुबुन सासे मानसिया सानफ्रोमबो दैमाखौ बारलांनो थाखाय दिङा गाखोनो थांबाय थायोमोन।
बिसोरो गावजोंगाव गले गले बेबादिनो सानफ्रोमबो फुंबिलि समाव लोगो मोनलायबाय थायोमोन नाथाय बिसोरनि गेजेराव गावजोंगाव रायज्लायनाय जायाखैमोन। सम सम दैमा बारलांग्रा मानसिखौ गुबुन गुबुन सानैसो मानसिफोरा दैमासिम दोनफैना मदद खालामोमोन।
सानसेखालि दिङा गाखोनानै दैमा बारलांनो थांनाय मानसिया खाथियाव फैनानै सोंदोंमोन, “नोंथांखौ आं सानफ्रोमबो बेवहायनो नुगासिनो दं। बेवहाय थानानै नोंथाङा सोरखौ नेनानै थायो?”
बिथाङा फिननाय होफिनदोंमोन, “आंहा सोरखौबा बेवहाय नेनानै थानांगौ रावबो गैया। आं रावखौबो लामा नायनानै थाया बेनि सोलाय आंनि गोसोबादिनो आं सानफ्रोमबो जोबोद गोजोनै जिउ खुंगासिनो दं। बेखौ बुं, नोंथाङा सानफ्रोमबो दैमा बारनानै मा खालामनो थाङो?”
अब्ला दैमा बारलांग्रा सुबुङा फिननाय होनायसै, “आं आंनि थांखियाव सहैनो थाखाय सानफ्रोमबो गोब्राब नाजागासिनो दं। एखमब्ला दैमाया गिलुबालु जाबोयो, माब्लाबा दैमा गेजेरावनो अखा लोगो मोनो। आंखौ दैमासिम दोनबोनो थाखाय माब्लाबा रावबो गैया जायो, आं हारसिंनो फैनांगौ जायो। बेफोर गोब्राब जुजिनायनि आन्दोआव जाफुंसार जानायानो आंनि बयनिख्रुइबो गेदेरसिन थांखि।”
बे समाव सानफ्रोमबो जिरायना थाफैग्रा मानसिया बुंदोंमोन, “मोनसे गोजोन जिउआ जाफुंसार जिउनिख्रुइबो साबसिन। जाफुंसार जानायाव सोरनिबा बिहोमा थायो, नाथाय गोजोन जिउआ खालि गावनि आंगो जिउमाजों बानायजायो।”