सासे मानसिया गावनि सासे लोगोखौ लामायाव नेनानै दंमोन। थिग समाव बिनि लोगोआ सफैयाखैमोन। बियो नेनो बानाय मोनदोंमोन आरो जोबोद उसु-खुथु जाबाय थादोंमोन। गावनि लोगोखौ आरोबाव नेनांगौ ना नेनांला बेखौ बियो थिग खालामनो हायाखैमोन।
गुबुन सासे लामानि मानसिया बिखौ लोगो मोननानै सोंदोंमोन, “नोङो लामायाव गसंनानै थाबाय थानायनि गुबै जाहोना मा? नोंखौ जोबोद उसु-खुथु आरो गावखौनो थिरांथा खालामनो हायैबादि नुदों।”
गावनि लोगोखौ नेनाय मानसिया बुंदोंमोन, “गोबाव समनिफ्राइनो आं आंनि लोगोखौ नेगासिनो दं। बियो दासिमबो सफैयाखै। बियो फैगोन ना फैला आं बेखौ मिथिया, बिखौ नेनानै थाबावनांगौ ना नेनांला बेखौबो आं थिरांथा खालामनो हायाखिसै।”
लामानि मानसिया सोंदोंमोन, “बियो नोंनि बेसेबां फोथायजाथाव?”
लोगोखौ नेनाय मानसिया फिननाय होनो, “जों सानैजों गावजोंगाव जेब्लाबो फोथायनायखौ लाखिबोदों। बियो आंखौ थगाया आरो आंबो बिखौ थगायफेराखै।”
लामानि मानसिया बुंदोंमोन, “नेनाया गोरलै नङा। माब्लाबा माब्लाबा जों मेंनाय मोनो, आरो गावनि खामानिखौ नागारो। जों खम मिजिंबो खालामनो हागौ। नाथाय जों थाबाय थानांगौ, मानोना थार समखौ नोंल’ मिथिगौ । अबंलावरिया जों नेबाय थानाय समाव जोंनि फोथायनायखौ गोख्रों लाखिनायाव जोंखौ मदद खालामो। अरायबो गावनि सायाव फोथायनाय लाखि ।”