सासे सेंग्राया गावनि गोसोथोनाय सिख्लाजों मोनसे गोरोन्थिनि थाखाय नागारजादोंमोन। सिख्लाजों नागारजानायनि उनाव सेंग्राया जोबोद दुखु जादोंमोन आरो सिरि सिरि गाबखोमाबाय थादोंमोन। गोबाव समसिम बिथाङा दुखु आरो लाजिनायजों फरायसालिमायावबो थाङाखैमोन।
सानसेखालि बिथांनि लोगोफोरा खौरां लानो फैदोंमोन। सासे लोगोआ सोंदोंमोन, “नोंथाङा मा जादों? गोबाव सानसिम नोंथाङा फरायसालिमायावबो थाङाखै। थाबैनो आनजाद जासिगोन आरो नोङो फरायसालिमायाव थाङाबा मोजाङै लिरनो हानाय नङा।”
बे समाव सेंग्राया लोगोफोरनि गेजेराव बुंदोंमोन, “आंहा जोबोद गेदेर बेराम जादों। आंनि गोसो गोरबो गासैबो लोरबां जानानै दं। आंनि देहायाव दा बोलो गैया, गोसोआव साहस गैया।”
लोगोफोरा सोंदोंमोन, “नोंहा मानो बेबादि जाखो? देहाफाहामसालियाव मानोथो फाहामथाय लानो थाङाखै?”
सेंग्राया फिननाय होफिनदोंमोन, “बे बेरामखौ देहाफाहामसालियाव फाहामनो हानाय नङा। आंनि गोसोथोनाय सिख्लाया आंखौ नागारबाय बेनि थाखायनो आंहा दा गोसो बायग्लिनाय बेराम जादों।”
लोगोफोरनि सासेया बुंदोंमोन, “जाय बेरामखौ फाहामनो हाया बेखौ सहायनांगोन। सहायनाय आरो गोसो हमथानायजोंनो खायसे गोसोआरि बेरामफोरा हामलांफिनो।”