गंसेल’ खावांजों दामजाया

सानसेखालि बैसागु रंजानाय बोथोरमोन । मोनसे गामिनि सेंग्रा आरो सिख्लाफोरा गामियाव बैसागु रंजानो थाखाय गामिनि फोथाराव ज’ जादोंमोन ।

सेंग्रा आरो सिख्लाफोरनि सासे दैदेनगिरिया आखायाव सोर मा दामग्रा लानानै फैदों बेखौ नोजोर होदोंमोन। सोरनिबा आखायाव सिफुं, सोरनिबा आखायाव सेरजा, सोरनिबा आखायाव बियो खाम आरो जथाफोरखौ नुदोंमोन । बिथाङा जोबोद गोजोननाय मोनदोंमोन ।

गुबुन सासे सेंग्राया बयनिख्रुइबो उन जानानै सफैदोंमोन । दैदेनगिरिया बिनि आखायाव गंसेल’ खावां नुनो मोनदोंमोन।

दैदेनगिरिया सेंग्रानि मोखाङाव नायनानै सोंदोंमोन, “बे खावांखौ नोङो मानो लाबोदों?”

सेंग्राया फिननाय होफिनदोंमोन, “बेखौ दामनो थाखायनो लाबोदों। दिनै जों बयबो मोजाङैनो रंजानो हासिगोन।”

दैदेनगिरिया बुंदोंमोन , “गंसेल’ खावांजों दामजाया।”

सेंग्राया दामनायनो नाजादोंमोन। नाथाय बियो गंसेल’ खावांजों जेबो देंखो रिंहोनो हायाखिसै। बयबो बिथांखौ नायनानै मिनिदोंमोन।