सानसेखालि सानै रोंगौथि गोनां लाइफां बिगियानगिरिफोरा मोनसे अरनबारियाव लाइफांनि बागै फरायसंनो थांदोंमोन। बिसोरो जोबोद गोथौ अरनबारियाव हाबदोंमोन जेराव जिब -जुनारफोरनि अनगायैबो रावबो मानसिफोरानो हाबनो हाथावा ।
अरन गेजेराव थानाय मोनसे दैसायाव बिसोरो दान्दिसे जिरायदोंमोन आरो बे समावनो बिसोरो अरन गेजेराव उखुन्दै खुनाय नुहरदोंमोन ।
सासे लोगोआ गुबुन सासे लोगोनियाव सोंदोंमोन, “नायहरलाय, अरन गेजेराव माबादि उखुन्दै खुदों? बेखि जाथावगौ नामा ?”
गुबुन लोगोआ फिननाय होबाय, “जानो हागौ जेराव उखुन्दै ओंखारदों बेवहाय अर दं। अर गैयाब्ला माबोरै उखुन्दै ओंखारनो?”
लोगोआ बुंफिनबावदोंमोन, “आं साननोनो हायाखै, बे अरन गेजेराव सोर अर सुखांफैखो। एसेबां गिलुबालु अरन गेजेराव सोर फैनो? मानसिफोराखि गिनाय गैया?”
गुबुन लोगोआ बुंफिनबाय, “साननानै नाय, एसेबां गिलुबालु होनना मिथिखासेयावबो जों बेवहाय लाइफांफोरनि बागै फरायसंनो फैदों। जिउनि गेदेरथार थांखिनिफ्राय गिनाया देरसिन नङा। थारैनो मोनफ्रोमबो जाथायनिनो जाहोन थायो। अर गैयाब्ला उखुन्दैयाबो खुनाय नङामोन।”