बिबारखौ मोजां मोनग्रा मानसिफोरा गावसोरनि लांगोना, बारि बागान आरो नआव बिबार गायनानै लानाय नुनो मोनो। बिसोरो जेब्लाबो समावनो बिबारखौ नायनानै गोजोननाय मोनो।
आथिखालाव गोबां आबादारिया बिबारखौ नायनो एबा गोजोननायनि थाखायल’ आबाद खालामो बे नङा, बिसोरो बिबारखौ फालांगिनि थाखाय मावो।
बिबारनिफ्राय बायदि रोखोमनि मुलि, मोखाङाव फुनग्रा थाव, ख्रिम, मोदोमनि थाखाय थाव आरो साबोनफोर बानायो।
बेरे- बेरेमाफोरा बिबारनि बिदै बुथुमो, आरो बेरे मोदै बानायो।
सिखिरि आरो दाउसिनफोरा बिबार बिदै सोबनानै थांनानै थायो।
मानसिफोरा बिबारनि समायनाखौ नायनो आरो गोजोननाय लानो थाखाय बुहुमनि गेदेर गेदेर बिबार बागानाव दावबायनो थाङो।