सानसेखालि साबा मानसिफोरा मोनसे दैमाखौ बारलांनो थाखाय दिङाजों थांबाय थादोंमोन। दैमा गेजेरावनो बिसोरो हरखाब अखा लोगो मोनदोंमोन। अखा जोबोद गोब्राब हादोंमोन जायनि थाखाय दैमाया दान्दिसे समनि गेजेरावनो गिलुबालु जाबोदोंमोन। बिसोरनि दिङाया गोग्लैहां गोग्लैहां जादोंमोन।
बिसोरो जोबोद गिनाय मोनदोंमोन। बिसोरनि सासे मानसिया इसोरनिसिम आर’ज खालामदोंमोन, “नै अबंलावरि, नोङो जोंखौ रैखा खालाम। जाहाथे जोङो बे दैमाखौ गोरलैयैनो बारलांनो हायो बेनि राहाखौ खालामना हो। नोंथाङा जोंखौ अननानै दैमानि देरबोनाय आरो अखा हानायखौ दान्दिसे बन्द’ खालामनानै हो।”
बिथांनि बाथ्राखौ खोनानानै सासे लोगोआ बुंदोंमोन, “खामानिया जाहाथे गोरलै जायो बेनि थाखाय आर’ज दाखालाम, जाहाथे खामानिखौ मावनानै फोजोबनो हायो बेनि थाखाय आर’ज खालामनांगौ । गासैखौबो गोरलैयै जाजानो लुबैनाया गिख’फोरनिसो बाथ्रा।”
गुबुन सासे मानसिया सोंफिनदोंमोन, “नोंथाङा मा बाथ्रा बुंखो? जोंदि खैफोदाव गोग्लैबाय नोंथाङा गिनाय मोनाखै नामा?”
बिथाङा बुंफिनदोंमोन, “जोंनि दिङाया जाहाथे दैमा गेजेराव जेबो जाया, जाहाथे मोजाङै सालायलांनो हायो बेनि थाखाय हाबा मावनांगगोन। जोंनि गोसोआव जाहाथे गिनाय थाया, जोंनि थांखिया जेरै दैमाखौ बायलांनांगौ बेनि थाखाय जाहाथे जों बारलांथारनो हायो बेनि थाखाय जाहाथे जोंनि गोसोआव साहस आरो देहायाव बोलो थायो बेनि थाखाय आर’ज खालामनांगौ।”
बिसोरो गासैबो साहस खालामनानै लादोंमोन। बिसोरो दैमाखौ बारलांनो थाखाय दिङाखौ मोजाङैनो जावलांबाय थादोंमोन आरो जोबथारनायाव गावसोरनि थांखियाव सहैनो हादोंमोन।