मोनसे थाखोआव बयनिख्रुइबो देरसिन सासे फरायसा दंमोन। बिनि लोगोफोरा सोरबा बोसोरनै, सोरबा बोसोरथाम आरो सोरबा बोसोरब्रै उन्दैसिनमोन। गाव देरसिन जानायनि थाखायनो बियो लाजिनाय मोनोमोन आरो मोनसे थाखोआव बारायनानै लानो गोसो जादोंमोन।
सानसेखालि फरायसाया गाहाइ फोरोंगिरिनि खाथियाव फैदोंमोन। बियो लाजिनाय आरो गिनायखौ लानानै बुंदोंमोन, “मानाव गेदेर सार, आं दा जाय थाखोआव फरायगासिनो दं बे थाखोआव फरायनो लाजिबाय। थाखोआव आंनो बयनिख्रुइबो देरसिन। अननानै आंखौ थाखो बारायनानै फरायनो होदो। आं जोबोद गोसो होनानै फरायगोन”
गाहाइ फोरोंगिरिया बुंदोंमोन, “बयनिख्रुइबो देरसिन जानायखौ मानो लाजिनांगौ? सोर मा बुंदों, सोर जंखायदों जेबो दासान, नोङो गोसो होनानै मोजाङै फरायबायल’ था।”
फरायसाया बुंफिनदोंमोन, “आंनो बयनिख्रुइबो देरसिन सार। उन्दैफोरजों आं मानो फरायबाय थानो?”
गाहाइ फोरोंगिरिया बुंदोंमोन, “उन्दैसिन आरो देरसिना जेरावबो थाखायो। माबा मोनसे जाहोननि थाखाय जायो। बेखौ लानानै दुखु जानांगौ एबा लाजिनांगौ जेबो गैया। जेब्ला नों जोनोम जायो बे समाव नोंनो मुलुगनि बयनिख्रुइबो उन्दैसिन, नाथाय जेब्ला नों थैयो बे समाव नोंनो बयनिख्रुइबो बोरायसिन सुबुं । नाथाय नोंनि उनावबो गोबां आरो सिगाङावबो गोबां दं।”