गावनि रंजानायनि साबिखौ रावनिबो सिफियाव माब्लाबाबो दासो

मोनसे गामियाव सासे जोबोद समायना आरो जेब्लाबो खुसियै थाग्रा हिनजावसा दंमोन। बियो गावनि मावनांगौ खामानिखौ जेब्लाबो थिग समावनो मावोमोन, थिग समावनो फरायसालियाव थाङोमोन आरो थिग समावनो नआव फैफिनोमोन। जेब्लाबो बयजोंबो गोरोबनानै खुसियै थायोमोन। रंजानो मोननाय समाव मोजाङैनो रंजानो हायोमोन।

बिनि मुङा मनालिसा ब्रह्ममोन, नाथाय बिनि लोगोफोरा बिखौ मना होनना गाबज्रियोमोन। बिसोरनि गेजेरावनो सासे हेलेना मुंनि सिख्ला दंमोन जाय जोबोद दुखुथियामोन। बिसोरहा नखराव जोबोद दोहोनिमोन, थेवब्लाबो बियो जेब्लाबो गोजोननाय मोनामोन। गाव जेरै गोजोनै थानो हाया बेबादिनो बियो गुबुनफोरखौ गोजोनै थानायखौ लुबैयामोन। बियो गुबुन मानसिफोरखौ दुखु आरो खैफोद जानाय नुयोब्लासो गोजोननाय मोनोमोन।

सानसेखालि हेलेनाया मनालिसाखौ बुंदोंमोन, “लोगो, नों आंनि गासै लोगोफोरनि मादावनो बयनिख्रुइबो सासे साबसिन लोगो। गाबोन नों जोंनाव आलासि जानो थांनो हागोनना?”

मनालिसाया बुंदोंमोन, “आंखौ निमाहा लोगो, आंहा गाबोन नआव सानसेमानि खामानि मावनांगौ दं। आइया आंखौ गावजों लोगोसे फरायसालि बन्द’खाय खामानि मावनो लोगो लादों।”

बेबादिनो साननैसो उनाव हेलेनाया बुंबावदोंमोन, “लोगो, नोंनि सोमोन्दै आं आइनो खोन्थादोंमोन। बियो नोंखौ नायनो गोसो जादों। नों गाबोन जोंनाव थांनो हागोनना?”

मनालिसाया बे खेबाव हेलेनाजों आलासि जानो थांदोंमोन । हेलेनाया बिखौ गावसोरनि नआव सहैनाय लोगो लोगोनो दुखु होदोंमोन। बियो बुंदोंमोन, “नों जोबोद सरासनस्रा सिख्ला, नोङो जोबोद जामबि। नों ओरैनो खुसियै थायो, नाथाय नोंसोरहा जोंनिबादि मा दंजायो? नोंसोरहा जोबोद निखावरि, बेनि थाखाय नों मानो दुखु जाया?”

गोबां सानसिम मनालिसाया दुखु जादोंमोन। गावसोरनि नखरा गोरिब, सरासनस्रा जानाय आरो लोंनाय, सरासनस्रा गाननाय आरो देलायनायजोंनो थानांगौ जायो। बियो गोरिब नख’राव जोनोम जानायनि थाखाय गावखौनो खाफाल गाज्रि होनना सानदोंमोन। बियो माखासे मुवा आरो बेसादफोरखौ बिफानियाव बिनानै मोनैनि थाखाय दुखु जादोंमोन।

बिमा आरो बिफायाबो दुखु जादोंमोन। बिसोरो फिसाजोनि नांगौ जानाय मुवा-बेसादफोरखौ होनो हायैनि थाखाय दुखु जादोंमोन। बिसोरो गावसोरनि फिसाजो मनालिसानि खाथियाव निमाहा बिदोंमोन। गुबुन मानसिफोरनिफ्राय दाहार लानानै बिसोरो फिसाजोनो होफैदोंमोन। मनालिसाया गावनि नांगौखौ मोनदोंमोन, नाथाय बिसोरनि दुखु आरो बांसिनै खस्थ’ खालामनानै खामानि मावनायखौ नुनानै गोजोननाय मोनाखैमोन।

गोबां सान आरो हरखौ दुखुजों बारहोहरनायनि उनावसो सानसेखालि बियो बुजिनो हादोंमोनदि, गावनि रंजानायनि साबिखौ रावनिबो सिफियाव माब्लाबाबो दासो। आं आंनि साबिखौ बेबादि सासे लोगोनो होनानै गोरोन्थि खालामना लाबाय आरो गावनि रंजानायखौ खोमानानै लाबाय।