फरायनाया खालि आनजादआव गोबां नंबर मोननायनि थाखायल’ नङा

सासे फरायसाया सानफ्रोमबो जोबोद गोसो होनानै फरायदोंमोन। बियो फरायसालिनि फरा बिजाबनि अनगायैबो गुबुन बिजाबफोरखौबो फरायदोंमोन। बिजाब गलानिफ्राय बियो सम सम गाव मोजां मोननाय बिजाबफोरखौ लाबोनानै फरायदोंमोन।

सानसेखालि बिमाया गांसे बिजाब मोनदोंमोन जाय बिजाबा फरायसालिनि बिजाब नङामोन। बेखौ मोननानै बिमाया फिसाज्लाखौ रागा जोंदोंमोन आरो गावनि खाथियाव लिंहरनानै सोंदोंमोन, “बेयो मा बिजाब? बे बिजाबाथ’ नोंसोरनि फरायसालिनि बिजाब नङा। नोङो बेखौ फरायनानै मानो समखौ थांगारहोगाबिनो दं? बेनि सोलाय नोङो फरा बिजाबखौ फरायोब्ला बांसिन नंबर मोनबावनो हागोन।”

फरायसाया बिमानि सिगाङाव बुंदोंमोन, “आयै! जोंनि फोरोंगिरिफोरानो फरायसालिनि फरा बिजाबनि अनगायैबो गुबुन गोनांथि थानाय बिजाबखौ फरायनांगौ होनना बुङो। बेनिखायनो आं बे बिजाबखौ बायनानै फरायदों।”

सानसेखालि बिमाया फरायसालियाव बिजाबखौ लानानै फैदोंमोन आरो फरायसालिनि गाहाइ फोरोंगिरिखौ बुंदोंमोन, “सार ! आंनि फिसाज्लाया बे बिजाबखौ फरायदोंमोन। बे बिजाबखौ फरायनानै आंनि गथ’आ खम नंबर मोननाय नङाना?”

गाहाइ फोरोंगिरिया बुंदोंमोन, “फरायनाया खालि आनजादआव गोबां नंबर मोननायनि थाखायल’ नङा। जेसेबां हायो एसेबां मोजां बिजाबफोरखौ फरायनांगौ। फरायनाया गोबां नंबर लानायावनो जोबा, गावनि थांखिखौ जाफुंसार खालामनाय आरो इयुनखौ दानानै लानायनि थाखायसो। गावनि इयुनखौ थिग खालामनो थाखाय गोबां गियान नांगौ। जायनाव जेसेबां गियान थायो बियो एसेबांनो गावनि इयुनखौ साबसिन खालामनो हायो।”

गाहाइ फोरोंगिरिया बिजाबखौ नायदोंमोन। सासे जाफुंसार सुबुङा लिरनाय बेयो गावखौ सुंथानायनि जोबोद बेसेन गोसा बिजाब। बेबादि जोबोद बेसेन गोसा बिजाबा जुदि गासैबो फरायसाफोरनि आखायाव थायो अब्ला बिसोरो गावसोरनि जिउखौ मोजाङै दैदेनलांनायनि थाखाय जिउ राहाखौ थिग खालामनानै लानो हागोन होनना बिथाङा सानदोंमोन।